Prosiectau Cynaliedig
Lawrlwythwch y pdf canlynol sy'n darparu gwybodaeth ar y prosiectau.
Llyfryn Ysbryd y Mwynwyr
Dyma'r prosiect sydd wedi cael cymorth:
 |
Cefndir Daearegol Cloddio ym Maes Mwynau Canolbarth Cymru
Dyfarnwyd grant werth £2920 i Grŵp Safleoedd Daearamrywiol Rhanbarthol Bwysig Canolbarth Cymru i roi adroddiad i'r cyhoedd am gyd-destun daearegol cloddio metelifferaidd yng Ngheredigion fel cefndir ar gyfer treftadaeth gloddio Maes Mwynau Canolbarth Cymru.
 |
Atgyweirio'r Simne yng Nghwmsymlog
Prosiect gwerth £80,000 i sefydlogi a diogelu'r simnai garreg fel cofadail parhaol i dreftadaeth gloddio gogledd Ceredigion.
![Llyfryn "Mwymgloddio metel yn Ucheldir Cereigion"]](gallery-image.php?src=lluniau/cambriametalminingcover.jpg&caption=Llyfryn "Mwymgloddio metel yn Ucheldir Cereigion"]&text=Llyfryn+Archaeoleg+Cambria) |
Archeoleg Cambria – Treftadaeth Cloddio Metel Ceredigion. Canllaw i'r hanes, ei bwysigrwydd a'i ddiogelu
Dyfarnwyd grant gwerth £3852 i gynhurchu taflen sy'n rhoi crynodeb hanesyddol cyffredinol fel cefndir i ddealltwriaeth, diogelu a hyrwyddo treftadaeth Cloddio Metel Ceredigion.
 |
Prosiect Murlun y Bont
Dyfarnwyd grant werth £3440 i gofnodi storiau am hanes pentref Pontrhydfendigaid ar ffurf murlun sydd wedi'i leoli ar ochr adeilad yn y pentref.
 |
Prosiect Mwynfeydd a Mwynau Ystrad Fflur
Dyfarnwyd grant gwerth £24,000 i ymgymryd mewn arolwg a raglen o gloddio yn yr ardal o fwynfeydd hynafol sydd a chysylltiad â'r Abaty a Bronberllan. Cynhaliwyd hefyd penwythnos o arddangosfeydd ar dechnegau gwaith metel hynafol.
 |
Prosiect datblygu teithiau cerdded Ysbryd y Mwynwyr
Dyfarnwyd grant werth £38,000 i ddatblygu teithiau cerdded sy'n cysylltu ardaleodd mwyngloddio gogledd Ceredigion.
 |
Llyfryn ar Ddaeareg a Mwnyddiaeth ym Maes Mwynau Canolbarth Cymru
Aeth Grwp RIGS ati i gynhyrchu llyfryn o'r enw "Daeareg Mwyngloddio Canolbarth Cymru" sy'n rhoi cyd-destun daeareg i fwyngloddio metel yn Ucheldir Ceredigion.
 |
Mwynglawdd Llywernog: Atgyweirio Ystorfa powdwr gwn
Atgyweirio beth a gredwyd yw yr unig enghraifft o'r unig ystorfa steil Cernywig sydd ar ol yng Nghymru ac sydd wedi'i leoli yn Amgueddfa Mwyngloddio Arian-blwm Llywernog.
 |
Prosiect i wella a dehongli safle orsaf gynhyrchu Pont Ceunant
Prosiect a gliriodd tipio anghyfrithlon oddi ar safle hanesyddol ger Pontrhydygroes sydd a chysylltiad â diwydiant mwyngloddio Ceredigion. Cafodd y safle ei ddehongli er mwyn i bawb medru cael gwell dealldwriaeth o'r adeilad.
 |
"Spoilio" gan Blaengar
Bwriad y prosiect oedd i hysbysebu hanes mwynfeydd gogledd Ceredigion i gymunedau'r ardal trwy ddefnyddio arddangosfeydd gweledol a chelfyddydau perfformiadol, digwyddiadau a gweithfeydd addysgol.
 |
"Stori Frongoch" gan Boomerang
Bwriad y prosiect fydd i greu sgript ffilm 90 munud yn seiliedig ar stori hynod ond sydd heb gael ei adrodd o ddigwyddiadau yng ngwaith mwyn Frongoch yn 1900. Cynorthwyir creu y sgript ffilm gan weithwyr proffesiynol y diwydiant teledu o fewn Boomerang gyda golwg o gyfiethu'r sgript i'r ffilm.
 |
Llwybrau Cerdded Ceulanamaesmawr
Dilynwch llwybrau'r mwynwyr yn ardal Ceulanamaesmawr yng ngogledd Ceredigion gan fynd ar daith ar hyd llwybrau cerdded a fu un amser yn cael eu defnyddio i fynd o'r pentrefi lleol i'r mwyngloddiau. Mae treftadaeth yr ardal wedi cael ei hyrwyddo gan fyrddau dehongli, taflen sydd ar gael yn lleol a ffeiliau mp3 sydd yn medru cael eu lawrlwytho.
 |
Teithiau Darganfod y Cambrians
Bydd y prosiect yn cynnwys cyfres o deithiau a gwibdeithiau fydd yn mynd a dwristiaid o Aberystwyth i fynyddoedd y Cambrians. Bydd y daith yn mynd a ymwelwyr i atyniadau gan gynnwys Amgueddfa Arian blwm LLywernog, Yr Hafod a Chwmystwyth.
 |
Murluniau hanesyddol Ysbyty Ystwyth
Cynhyrchwyd 22 o baneli tecstilau gan amryw o grwpiau o fewn y pentrefi sy'n portreadu digwyddiadau hanesyddol sydd wedi siapio datblygiad ardaloedd Ysbyty Ystwyth, Pontrhydygroes and New Row.
 |
Amgueddfa Ceredigion
Prosiect i wella'r arddangosfa mordwyo a mwyngloddio plwm yn yr amgueddfa.
 |
'The Falls Experience'
Mae prosiect “The Waterfalls Experience” wedi ei leoli yn atyniad rhaeadrau Pontarfynach. Lleolir yr atyniad yng nghalon ardal mwyngloddio Ceredigion rhwng mwyngloddiau “Temple” a Chwmystwyth. Mae'r prosiect yn cynnwys gwella adnoddau yr atyniad i ymwelwyr.
 |
'Afonydd i'r Môr'
Bwriad y prosiect oedd i greu cysylltiadau rhwng harbwr Aberystwyth a hen safleoedd mwyngloddio sydd yn nghefn gwlad. Gwelir dwy sedd sydd yn gwneud y cysylltiad yma, un yn Llanilar ar Lwybr yr Ystwyth a'r llall yn harbwr Aberystwyth.
 |
'Beddrodau'r Gorffennol'
Prosiect fydd yn casglu gwybodaeth a chatalogio beddau ym mynwent Eglwys yr Hafod, Cwmystwyth. Bydd y wybodaeth ar gael i ymwelwyr ar ffurf byrddau dehongli a gwasanaeth cyffwrdd interactif.
 |
Ar gof a chadw
Mae'r prosiect wedi cynnwys casglu a crynhoi gwybodaeth ar hanes clywedol a gweledol tri cymuned o Ysbyty Ystwyth, New Row a Phontrhydygroes gan greu dvd.
 |
Rhod ddŵr Pontrhydygroes
Mae'r prosiect wedi cynnwys gosod rhod ddŵr ym Mhontrhydygroes, pentref sy'n gyfystyr â mwyngloddiau metel Lisburne a fu'n gweithredu yn yr ardal yn ystod y 18fed a'r 19eg ganrif.